Changer Leadership School

Changer Leadership School e phehella boetapele bo hlomelletsweng ka boetapele ba Jesu Kreste bo kang tau le bo kang konyana, mme e kwetlisa baetapele ba changer ba nang le tshusumetso karolong e nngwe le e nngwe ya setjhaba. Sekolo sena ha se tsepamise feela ho ba moetapele, empa ho "katoloso ya boetapele," ho ba moetapele ya hodisang baetapele, mme se etella pele ba nkang karolo hore ba hodise, ba sebeletse le ho kwetlisa bonyane barutuwa ba bararo.

Jesu o ile a sebeletsa ka sehlopha sa ditho tse leshome le metso e mmedi. Pono ya sehlopha sena e ne e le poloko ya batho bohle, e leng ntho e makatsang. Haeba batho ba neng ba tseba ditho tsa sehlopha sena ba ne ba utlwile pono ya Jesu, ba ka be ba mathetse ho Jesu hanghang mme ba Mo bolella mabaka a fetang lekgolo a hore hobaneng e ke ke ya sebetsa.

"Jesu, na O tseba kamoo batho ba leshome le metso e mmedi bao O ba bitsitseng ba sa rutehang kateng? Batho bao ba na le botho bo thata mme ba tla senya tshebetso ya sehlopha. Hara ba leshome le metso e mmedi, ha ho motho a le mong ya kgahlehellang pono ya Hao. Pono ya Hao e ka kgonahala feela ka batho ba nang le semelo se setle, lelapa le letle, boiphihlelo ba ho ithuta kantle ho naha, kapa bonyane lengolo la doctoral." Leha ho le jwalo, sephetho se makatsang ke hore Morena o phethahaditse pono ka ba leshome le metso e mmedi.

Ntho e jwalo e kgonahale jwang? Karabo ke boetapele boo Jesu a neng a na le bona. Jesu o ne a tseba hantle hore na Yena ke mang le hore thomo ya Hae ke eng.

Ho Mattheu 16:15-17, hobane boitsebiso ba Jesu e ne e le Mora wa Modimo, O ne a ka araba nnete ho ena le ho arabela maemo a kantle a ka Mo utlwisa bohloko, jwalo ka tikoloho e futsanehileng eo A hlahetseng ho yona, tlhokeho ya thuto ya semmuso, kapa ponahalo ya Hae e sa kgahliseng.

Hobane thomo ya Hae e ne e hlakile, ha A ka A lelera kapa A re O tla shwa ke tlala kapa A tlohele hobane ho le thata haholo. Qalo ya boetapele ba Jesu e ne e le ho tseba boitsebiso le thomo ya Hae hantle.

Jesu ke monghadi wa self-leadership, ya itetellang pele. Kamehla O ne A qala letsatsi ka ho tla pela Modimo, A batla thato ya Modimo, mme A batla matla a Modimo. Jwalo ka ha motho a tjhaja smartphone ka botlalo ka charger hore a e sebedise hantle letsatsi lohle, O ile A dula pela Modimo ya tlatsang, A itlatsa ka botlalo le matla ao Modimo a fanang ka ona, mme yaba O qala letsatsi la Hae.

Jesu o ne A etsa feela seo Modimo a Mo boleletseng ho se etsa, mme hobane O ile A etsa mosebetsi oo A o neilweng ka matla ao Modimo a faneng ka ona, ho ne ho se na lentswe le kang burnout. Morena o ile A etella pele bophelo ba Hae ka self-leadership e kgabane.

Jesu o ne A na le boetapele ba konyana bo atlehang dikamanong le batho le boetapele ba tau bo kgonang ho phetha pono eo A e neilweng. Tshenolo 5:5 le 6 di hlalosa Jesu e le Konyana le Tau.

Sena se bontsha tlhaho ya boetapele ba Jesu. Boetapele ba konyana bo bua ka boetapele boo Jesu a bo sebedisang ho batho, jwalo ka boikokobetso, bonolo le botshepehi, ha tau e bontsha boetapele boo A bo sebedisang ha A phetha thomo eo A e neilweng, jwalo ka botshepehi, matla a Moya o Halalelang le boinehelo.

Hodima motheo wa self-leadership, Jesu o ile A sebedisa boetapele ba konyana le boetapele ba tau mme A phetha tshebeletso eo A e neilweng.

Changer Leadership School ke sekolo se ithutang, se sebedisang le ho kwetlisa boetapele ba Jesu. Se teng ho thusa batho ho tseba boitsebiso le thomo ya bona mmoho le Jesu, ho atleha dikamanong le batho, le ho phetha mosebetsi o behilweng matsohong a bona.

Haeba o etsa qeto ya ho fumana thupelo, basebetsi bohle ba Changer Leadership School ba tla o sebeletsa ka matla a bona ohle.